Þú gullna blóm, þú græna blað,
þú gjöf frá lífsins hjarta-stað,
er lít ég inn í auga þitt
mér opnar drottinn veldi sitt.

Þitt innra samband,sjónum manns,
er samræmið í verkum hans.
Þín ytri fegurð,engum skýrð,
er endurskin af ljóssins dýrð.

Þín angan hrífur allra skyn,
sem áhrif blíð frá göfgum vin.
Þú bjartur geisli á gengnum stig
með gjöfum himins tel ég þig.

Ljóð Jakobína Johnson